ENFOQUES // BAHÍA DE XIXÓN
La última canana de Naval Gijón

Un domingu a les 19:30 en
Xixón. El Sporting xuega
(y pierde) ente maldiciones
de los paisanos,
fumu de farias y fedor a solysombra.
Día murniu, tristón, grisayu y
emborrináu. Xunto a la playa
Poniente otros prexubilaos ponen
la funda de trabayu.

16/07/09 · 11:00
Edición impresa

La hestoria de Naval Xixón hai
tiempu que tenía que terminar.
Tres décades que-y lleven ganando
la partida a la lóxica del mercáu.
Hai treinta años que tenía que morrer
xunto col restu d´astilleros privaos
de la bahía de Xixón. Davezu
la lóxica nun ye quién a imponese.
Topa con xente con más determín
que respetu pola razón. Colos trabayaores
de Nagisa nun pudieron
nin les reconversiones de finales
de los 70, nin les burocracies sindicales,
nin les traiciones de les corporaciones
municipales. Lleven
nel morral d´esti tiempu les cicatrices
de milenta batalles. Anguañu
entama la última. Agora son
los prexubilaos los que vuelven al
astilleru pa desixir que se cumplan
los sos alcuerdos de futuru. Los
cuarenta últimos que despidieron
colaron pa casa a la espera del finiquito
ensin gurgutiar.

Quienes tornen al llugar de trabayu
pasen toos de la cincuentena
d´años. Algo falla n´esta llucha.
Falló´l relevu xeneracional qu´a
fuerza ha de tener toa llucha. Güei
échense en falta los 200 mozos
eventuales que trabayaben en Naval
Xixón nel añu 2000 y que la empresa
despidió nun fuera a salir d´ente
ellos dalgún Piney, Turón, Navarro,
Segundo... Nomes poco conocíos
que defienden barricaes perconocíes.
Les persones pueden pasar, los
exemplos queden. La llección hestórica
que mos lleven dando dende
siempre los trabayadores del naval
ye daqué innegable pa munchos de
los que crecimos nesta ciudá.
Acción colectiva, razón y determín.
Asina que cuando mañana vea fumu
negro pela ventana y me llegue
´l tufu a goma quemao, sabré
que sigo viviendo en Xixón.

PNG - 239.3 KB
VISTA DE LA BAHÍA DENDE UNA DE LES GRÚES OCUPAES. Xixón camuda la so economía y por tantu la sociedá. De ciudá industrial a escaparate turísticu.
Tags relacionados: Número 109
+A Agrandar texto
+A Disminuir texto
Licencia

comentarios

0

separador

Tienda El Salto