Les autoridaes municipales refuguen aconceyar un añu más colos movimientos sociales
La Coordinadora Asturiana d'ONGD convoca un actu de protesta contra'l Festival Aéreu de Xixón

Por cuenta de la celebración de la octava edición del Festival Aéreu de Xixón, la Coordinadora Asturiana d'ONGD (CODOPA) y dellos colectivos asturianos entamen esti domingu 28 de xunetu un actu reivindicativu de refugu contra esta inciativa y qu'un añu más va celebrase na villa de Xovellanos col sofitu del Conceyu, que va destinar una cuantía indeterminada del presupuestu municipal a la so organización.

26/07/13 · 17:56
Imaxe de los actos del «Festival Aéreu: ¡Non!» na edición del 2012. / CODPA

Por cuenta de la celebración de la octava edición del Festival Aéreu de Xixón, la Coordinadora Asturiana d'ONGD (CODOPA) y dellos colectivos asturianos entamen esti domingu 28 de xunetu un actu reivindicativu de refugu contra esta inciativa y qu'un añu más va celebrase na villa de Xovellanos col sofitu del Conceyu, que va destinar una cuantía indeterminada del presupuestu municipal a la so organización.

Depués de la recoyida y presentación de firmes d'apoyu al manifiestu Festival Aéreu: ¡Non! nes dependecies de la Casa Conceyu de Xixón y la solicitú d'una xunta cola alcaldesa, Carmen Moriyón -qu'otra vuelta nun se llegó a celebrar-, delles organizaciones, movimientos sociales y de la sociedá civil asturiana van acompañar esta iniciativa. Nel manifiestu destacase'l carácter pro-belicista del Festival Aéreu, amás del marafundiu de recursos de les arques públiques «nun momentu nel que los recortes en servicios sociales son más que preocupantes», aseguren dende la CODOPA.

Otra manera, dende les organizaciones firmantes del manifiestu, considérase qu'esti tipu d'eventos «que se presenten a la ciudadanía como atracción turística, enmazcaren en realidá» actos de propaganda de los exercitos y les fuercies militares que «persiguen meyorar la so imaxe pública y amenorgar la percepción negativa que d'ellos tien la sociedá».
Polo tanto, la CODOPA convoca a la ciudadanía asturiana'l 28 de xunetu, a partir de les 10 hores, nos Xardinos de la Reina, al actu de protesta onde, amás, el monologuista asturianu Carlos Alba Cellero va facer una parodia del festival na que se va cuestionar los principios sobre los que s'asienten esti tipu d'acciones que «promueven valores de violencia, despreciu pola vida humana y inversión irresponsable de medios públicos».

+A Agrandar texto
+A Disminuir texto
Licencia

comentarios

0

Tienda El Salto