Construcción coleutiva d’Asturies

Nun momentu difícil como esti onde a nivel mundial manda la globalización, el capitalismu, l’imperialismu, la relixón, el patriarcáu, la guerra, la represión y demás preseos d’anulación social y nacional munches ciudadanes y ciudadanos facémonos la mesma entruga: Dende’l sitiu onde vivimos ¿Cómo podemos combatir tala realidá?

, Coordinador Nacional de Conceyu Abiertu
04/06/13 · 12:18
Edición impresa

Nun momentu difícil como esti onde a nivel mundial manda la globalización, el capitalismu, l’imperialismu, la relixón, el patriarcáu, la guerra,  la represión y demás preseos d’anulación social y nacional munches ciudadanes y ciudadanos facémonos la mesma entruga: Dende’l sitiu onde vivimos ¿Cómo podemos combatir tala realidá?

Pensando n’Asturies el contestu de fonda crisis social, económica, política, ideolóxica, cultural ya identitaria na que somorguiaron al nuesu país déxanos aparentemente mui vulnerables ente los fenómenos que mentaba enantes y que, por ciertu, son al tiempu la causa de tal crisis. Ye dicir, castínguenmos hasta subyuganos y cuanto más sometíos tamos más febles somos y más fácil yos resulta siguir sometiéndonos.

Buscando la dignidá

La perdida d’identidá, la colonización, l’aculturamientu, l’ausencia de democracia y de soberanía asítianos ente la emerxencia de sacar a Asturies d’esa pésima dinámica. Necesitamos ser un pueblu fuerte, construyir una sociedá despierta, viva y dinámica.

Alloñase de la desesperanza buscando l’estímulu nel valir de les persones, na fuercia de cada asturianu y asturiana cola so cultura, cola so identidá, cola so personalidá, cola so intelixencia, cola so conciencia, cola so dignidá y col so valor.

Tirar de dignidá y aportar lo meyor de nós na construcción colectiva d’Asturies, esi dalgo que toos y toes tenemos, esi daqué que podemos aportar, que modestamente pensamos que nun val muncho pero que posiblemente seya la clave, esa suma de poquitinos que fai d’Asturies ser el pueblu que ye y que podría ser.

"Hai que tirar de dignidá y aportar lo meyor de nós na construcción colectiva d'Asturies"Polo camiento que ta nes nueses manes construyir una sociedá xusta, igualitaria, pacífica, democrática, soberana, respetuosa cola tierra y llibre si esa ye la voluntá de nós. ¿Qué meyor defensa ante la globalización qu’apurrir a la causa lo meyor d’un mesmu dende’l sitiu onde vive, el so pueblu, la so collación, el so barriu, el so conceyu y el so país?

La suma de lo individual fai lo coleutivo y n’Asturies angüañu afortunadamente hai coleutivos en marcha que saben áu viven, que creen n’Asturies y que lluchen pa que sea llibre. Coleutivos sociales, de mocedá, culturales, sindicales y políticos asturianos que defienden los intereses de los y les trabayadores, que reivindiquen la llingua, que puxen pola cultura asturiana, que lluchen pola igualdá, que defienden la tierra, que reivindiquen los nuesos drechos políticos.

Nun pueo dende esti espaciu facer otra cosa qu’animar a los y les asturianes esmolecies pola rialidá d’Asturies a implicase na reconstruición del nuesu país dende tolos coleutivos porque solamente dende la nuesa modesta pero imprescindible aportación individual a la xera coleutiva podemos salvar Asturies. Faigamos rialidá’l llema ¡Asturies sálvase lluchando!

+A Agrandar texto
+A Disminuir texto
Licencia

comentarios

0

separador

Tienda El Salto