Tornar a la escuela, más fácil, nel Valle del Nalón

“LA SEMIENTE” pon en marcha per segundu añu consecutivu la campaña de recoyida de material escolar.

, Redacción Uviéu/CSA La Semiente
05/09/13 · 19:10

Cola idea d'ayudar a les families de “La Cuenca” a superar la “vuelta a la escuela”, el C.S.A. “La Semiente” pon en marcha per segundu añu consecutivu la campaña de recoyida de material escolar (llibretes, bolígrafos, llapiceros..) y llibros de primaria y de la E.S.O. correspondientes al cursu 2012- 2013.

Aquelles persones que deseyen donar llibros del cursu pasáu van poder facelo nel local de “La Semiente”, asitiáu en C/ Eladio García Jove Nº 6 de L’Entregu, de 17:00h a 19:00h.  o llamando al teléfonu 696- 20- 90-16 pa que pasen a recoyelos. La campaña va desenvolvese mientres los díes 2 a 19 d'esti més. Estos llibros y el material escolar, van quedar a disposición de les families que los precisen nel mesmu local de l'asociación, onde les persones interesaes pueden pasar a escoyer los que sirvan pal cursu qu'empieza (2013- 2014) a partir del dia 10 de setiembre hasta’l 19.

Según informen desde La Semiente l'añu pasáu fueron munches les families que participaron tantu na donación de material escolar y llibros como na demanda de éllo. Ye por eso qu'anque la campaña cinxíase al conceyu de Samartín del Rei Aurelio, participaron families del restu de conceyos de La Cuenca; lo que motivó a La Semiente a estendela xeográficamente. Esta iniciativa ye complementaría a otres yá esistentes en dellos centros escolares ya institutos, asi como d'otres asociaciones, como ye'l casu de Les Filanderes qu'en collaboración col conceyu de Llangréu tien en marcha tamién una campaña d'intercambiu de llibros.

Un aspeutu importante de la campaña ye qu'amás de menguar la carga ecónomica de les families mas afectaes pola crisis, foméntase la solidaridá y la collaboración vecinal desinteresada. Valores bien necesarios nestos momentos difíciles, y que tendría de ser un gran potencial a la hora de construyir un modelu de sociedá mas participativu, horizontal, igualitariu y solidariu; escontra de los momentos de apatia, individualismu y pasividá teledirixida que nos torga pa poder avanzar.

Tags relacionados: pobreza infantil
+A Agrandar texto
+A Disminuir texto
Licencia

comentarios

0

Cartel de la campaña / CSA La Semiente
separador

Tienda El Salto