Global
Territorio
Diners y Treballo
Libertades y derechos
Fotonoticias
Cuerpo
Saberes
Culturas
La Cadiera-Opinión
Humor
Buzón de la Lectora
aragon@
diagonalperiodico.net
Cargos lebles contra os onze "presos climaticos" de Copenhague
A cumbre se saldó con unas 1.800 detenzions, 50 actibistas encausaus y 11 en prisión. A polizÃa con a lai en man, se miro de silenziar sin exito as bozes por a chustizia climatica.
- Foto: Kris Krüg
Patricia Manrique / Traduzión: Luzia López Marco
O Gobierno danés ha lebau a cabo una autuazión terriblemén esproporzionada. Ha ficau en a garchola a 1.800 actibistas por brenca, ha combertiu en blanco a os bozers, ha feito serbir gases lacrimoxenos, gas pimienta, chaulas de detenzión,... posando un perigloso prezedén no solo que ta Dinamarca, sino ta l’esdebenidero d’o mundo", reflexionaba Tadzio Müller, un d’os portabozes detenius de Climate Justice Action (CJA). Estió meso en libertat o 19 d’abiento, chusto en rematar a cumbre. Eba estau arrestau zinco diyas antis, cuan saliba d’una rueda de prensa en o Bella Center en a que a suya organizazión, chunto a Climate Justice Now, presentaba l’aizión no biolenta Reclaim Power, que se lebarba a cabo o 16 d’abiento. Ironicament estió acusau d’inzitazión a la biolenzia.
"A liberazión -reflexionaba Müller- contrimostra que l’obchetibo d’os arrestos yera silenziar a oposizión a o COP-15. L’engarcholamient d’os nuestros bozeros ye un intento de criminalizar un amplo y global mobimient d’oposizión". Nomas que 11 personas d’as cuasi dos mil aturadas en os diyas d’a cumbre remanen encara en a garchola, a ’aspera de chuizio en chinero. Seguntes informó a DIAGONAL l’equipo legal coordinau por Cruz Negra Anarquista (CNA) de Copenhague, d’o total de 1.915 reaños percabius, solo se presentón cargos que contra 54 personas. En cheneral, as acusazions estión por alticamazión de l’orden publico, biolenzia contra ofizials d’a polizÃa y estricalladura de biens publicos. A gran mayoria d’os aturaus remanión entre 7 y12 oras en as garcholas abilitadas por o Gobierno danés t’a cumbre, y estión mesos en libertat sin cargos.
As zaguers liberazions, o 22 d’abiento, han estau de Stine Gry y Tannie Nyboe, tamién portabozes de CJA acusaus de chilar "Push!" (¡empentad!) en Reclaim Power. Ello ha implicau cargos de biolenzia contra ofizials d’a polizÃa y desorden publico que "cuasi no teneban sustento" y "garra chuez azedió a mantener-los en garchola dillá d’o tiempo de durazión d’a cumbre", denunzia CJA.
Autibistas y coleutibos acusan a os cuerpos de seguridat daneses d’aber feito serbir una sofisticada operazión d’espionache y aturadas ta socabar as protestas durante as dos semanas de durazión d’a cumbre. As audienzias chudizials d’os portabozes de CJA encarzelaus, por exemplo, rebelón que a polizÃa se balió d’escuitas telefónicas e interbenzions de mensaches de mobil ta bichilar-los. D’atra man, achens encubiertos s’infiltrón en as multituz pa fer arrestos. Y l’asistenzia a atras cumbres u aizions entrenazionals tornó a muitos partizipans en blancos pribilechiaus ta la polizÃa.
PRESOS DE GREENPEACE
Pese a la biolenzia polizial y as 254 personas mas arrestadas o mesmo diya 16, l’Asambleya d’o Pueblo se zelebró, reunindo representans d’os zinco continentes. Con dita asambleya, o mobimiento global por a chustizia climatica, actualment en creyazión, pretendió enzetar un prozeso qu’implementará as asambleyas locals de cara a nuebas combocatorias globals.
En cuanto a os actibistas de Greenpeace, Juan López de Uralde, Nora Christiansen, Joris Thijssen y Christian Schmutz, estión engarcholaus dica o 7 de chinero por lebar a cabo una protesta durante a zena de gala ufierta por a reina Margarita II a os chefes d’estau que i asistión. Tras declarar deban d’o chuez, estión recluyius en a garchola danesa de Vestre Faengsel, en rechimen d’isolazión.
Pese a que, seguntes endicó Aida Vila, risponsable d’a campaña Cambeo Climatico de Grrenpeace España, se recurrió a prision prebentiba, o Tribunal Superior de Chustizia refusó dito recurso.
López de Uralde ye acusau de falsificazión de documentos, suplantazión d’autoridat publica, dentrada sin permiso en un puesto pribau y alticamazion d’un acto con presenzia d’a reina, o que suposa un agrabán a os cargos que li s’imputan. En toz os paises d’orichen d’os detenius s’organizón campañas de refirme a os "presos climaticos": reculidas de firmas, manifiestos de condena, ocupazions simbolicas, manifestazions fren a la Embaxada danesa...
O grueso d’o soporte a os presos climaticos lo coordina CNA que, amás d’o refirme legal, s’encarga de recullir cartas ta fer-les-ne plegar (info@blackcross o ABC Copenhagen, Postboks 604, DK-2200 Copenagen).
OCHETIBO: ANULAR A BISIBILIDAT D’AS PROTESTAS
Chunto a las midas exzepzionals abituals en as cumbres -suspensión temporal de Schengen y restablexedura d’o control de mugas-, o Gubierno danés aprebó lo paquet antisinbergoñas, que posibilitó aturadas prebentibas masibas. Por atro costau, a esferenzia d’a practica polizial propia d’os paises mediterranios, consistent en dispersar as demostrazions, a estratechia danesa consistio en impedir u condizionar a mobilidat y bisibilidat. Os achens enantón zinga lanzanga en collas muit numerosas, rodiando a os manifestans en enzierros que culminón con detenzions prebentibas masibas.
En expresión d’o churista Jaume Asens en rilazión a Escozia 2005, "una nueba chestión de l’espazio", una "adaptazión d’os repertorios persuasibos" ta arrebatar bisibilidat a las protestas.
Articlo poblicado por Patricia Manrique, DIAGONAL Cantabria.
Bersión de Luzia Lopez Marco, redautora de ecolochia ta Fendo orella (Radio Topo 101.8 fm).
Delicious
Meneame
Facebook
TwitterPortada en papel nº 162
BoletÃn Radiofónico DIAGONAL 139
RSS